Հաճույքով վայելելով թռչունների երգը՝ արդյոք հարցրել ես, թե ինչու են երգում նրանք։Թռչունների գարնանային երգը լուրջ և կարևոր աշխատանք է։ Երգում են միայն որձերը։ Որձը վերադառնում է հեռու երկրներից իր հայրենիք և ամբողջ ձայնով երգում է, որը զգուշացնում է․ «Սա իմ տեղն է, ես եմ զբաղեցրել այս տեղը և ես այստեղ մտադրված եմ հանել ու մեծացնել ձագերիս»։ Հարևան հակառակորդները գիտեն․ եթե փորձեն չլսել, ապա նա կսկսի կռվել։
Որձը զրնգուն երգով գրավում է զուգընկերուհու ուշադրությունը։ Էգը երգը լսելով գալիս է նրա մոտ, իհարկե, եթե երգը դուր գա նրան։ Հակառակ դեպքում ընտրում է մեկ ուրիշ որձի, որը ավելի զրնգուն է երգում։